Bosqichlar

Subyektlar

Tadbirlar

Ijro muddati

1-bosqich

Tugatuvchi

Tugatuvchi tayinlangandan keyin tijorat tashkilotining boshqaruv organlari yoki jismoniy shaxs tomonidan unga tijorat tashkiloti faoliyati bilan bog’liq barcha hujjatlarni, shuningdek, tijorat tashkilotining muhri (agar mavjud bo’lsa), shtamplari va boshqa mol-mulkini topshirish.

3 (uch) ish kunida

2-bosqich

Tugatuvchi

Ixtiyoriy tugatish to’g’risida qaror qabul qilingandan keyin ro’yxatdan o’tkazuvchi organga qaror nusxasini taqdim etish.

1 (bir) ish kunida

3-bosqich

Ro’yxatdan o’tkazuvchi organ (Davlat xizmatlari markazi)

Tugatish to’g’risida qaror olinganidan so’ng tijorat tashkilotini ixtiyoriy tugatish jarayonida ekanligi to’g’risidagi ma’lumotlarni davlat reyestriga kiritish va bu to’g’risida Tizim orqali tegishli idora va tashkilotlarni xabardor qilish hamda o’zining rasmiy saytiga tijorat tashkiloti tugatilayotganligi to’g’risida barcha uchun erkin foydalanish imkoni bo’lgan e’lonni joylashtirish.

1 (bir) ish kunida

4-bosqich

Idora va tashkilotlar

Ixtiyoriy tugatish to’g’risidagi xabarnoma olingan kundan boshlab o’zlarining ma’lumotlar bazasida tijorat tashkiloti to’g’risida mavjud bo’lgan ma’lumotlarni Tizim orqali taqdim etish.

5 (besh) ish kunida

5-bosqich

Majburiy ijro byurosi

Ro’yxatdan o’tkazgan organning bildirishnomasini olgan sanadan boshlab ish yuritishda ijro hujjatini davlat ijrochisi qonunda belgilangan tartibda ijro ishini tugallash va belgilangan tartibda tugatishni ijro etish uchun ijro hujjatini tugatuvchiga yuborish.

10 (o’n) kun

6-bosqich

Davlat soliq xizmati organlari

Tizim orqali xabardor qilingan kundan boshlab tijorat tashkilotining moliya-xo’jalik faoliyatini tekshirishga (taftish qilishga) kirishish.

3 (uch) ish kunida

7-bosqich

Tugatuvchi

Oraliq tugatish balansi tasdiqlangandan keyin barcha kreditorlarni ularning talablari e’tirof etilganligi yoki rad qilinganligi, e’tirof etilgan talablar summasi haqida yozma (elektron) ravishda tasdiqnomani olgan holda xabardor qilish.

5 (besh) ish kunida

8-bosqich

Tugatuvchi

Mol-mulkni boshqa kreditorlarga berishda uning baholash summasi e’tirof etilgan talablarni to’lash hisobiga qo’shish, baholash summasi bilan talab miqdori o’rtasida tijorat tashkiloti foydasiga hosil bo’lgan tafovutni kreditordan qabul qilib olish.

5 (besh) ish kunida

9-bosqich

Davlat soliq xizmati organlari

Tugatish balansi qabul qilingandan keyin tijorat tashkilotining soliqlar va yig’imlar bo’yicha qarzi bo’lmagan taqdirda, soliqlar va yig’imlar bo’yicha qarzi yo’qligi to’g’risidagi xulosani tugatuvchiga hamda Tizim orqali ro’yxatdan o’tkazuvchi organga yuborish. (O’zR VM 07.01.2021 y. 1-son Qarori tahriridagi ustun)

1 (bir) ish kunida

10-bosqich

Majburiy ijro byurosi

Bajarilmagan ijro hujjati Majburiy ijro byurosining ish yurituvida mavjud bo’lmagan taqdirda, ijro etilmagan tegishli ijro hujjati ish yurituvida mavjud emasligi haqida tugatuvchiga hamda Tizim orqali ro’yxatdan o’tkazuvchi organga xabarnoma yuborish.

3 (uch) ish kunida

11-bosqich

Tugatuvchi

Davlat soliq xizmati organi va Majburiy ijro byurosining xabarnomasi olingandan keyin tijorat tashkilotiningasosiy hisobvarag’i ochilgan tijorat bankiga uni yopish to’g’risida murojaat qilish va tijorat banklari tomonidan tijorat tashkilotiga tegishli bo’lgan hisobvaraq yopilganligi to’g’risida ma’lumotnomani olish.

1 (bir) ish kunida

12-bosqich

Tugatuvchi

Asosiy hisobvarag’i yopilgandan keyin davlat arxiviga tijorat tashkilotining qonun hujjatlarida nazarda tutilgan barcha buxgalteriya va boshqa hujjatlarini topshirish.

3 (uch) ish kunida

13-bosqich

Ro’yxatdan o’tkazuvchi organ (Davlat xizmatlari markazi)

Barcha hujjatlar olingandan keyin Tizim orqali tekshirish hamda davlat reyestriga tijorat tashkiloti tugatilganligi to’g’risidagi yozuvlarni kiritish.

2 (ikki) ish kunida

14-bosqich

Ro’yxatdan o’tkazuvchi organ (Davlat xizmatlari markazi)

Qaror qabul qilingan kundan keyin uni tugatuvchiga berish yoki pochta orqali jo’natish. Davlat reyestriga kiritish rad etilgan taqdirda, tugatuvchiga ayni bir vaqtda olingan barcha hujjatlar, muhr va shtamplarni qaytarish.

1 (bir) ish kunida

15-bosqich

Ro’yxatdan o’tkazuvchi organ (Davlat xizmatlari markazi)

Davlat reyestriga tijorat tashkiloti tugatilganligi to’g’risidagi yozuvlar kiritilgandan keyin davlat soliq xizmati va statistika organlarini Tizim orqali xabardor qilish.

3 (uch) ish kunida

16-bosqich

Ro’yxatdan o’tkazuvchi organ (Davlat xizmatlari markazi)

Ko’rsatilgan muddat o’tgunga qadar barcha hujjatlar to’liq taqdim etilmasa, ixtiyoriy tugatishni to’xtatish hamda davlat soliq xizmati va statistika organlariga ixtiyoriy tugatish to’xtatilganligi to’g’risida Tizim orqali xabar berish hamda yopilgan bank hisobvaraqlarini qayta tiklash.

1 (bir) ish kunida