"Yangi texnologiyalar" ilmiy axborot markazi DUK

Foyda olish, muassisning topshiriqlarini o‘z vaqtida bajarilishini ta’minlash, shuningdek ushbu ustavda ko‘rsatilgan boshqa ishlarni bajarish va xizmatlar ko‘rsatish korxona faoliyatining maqsadi hisoblanadi.

Quyidagilar korxona faoliyatining asosiy vazifalari hisoblanadi:

davlat soliq xizmati organlarining yagona integratsiyalashtirilgan axborot-resurs bazasining dasturiy ta’minotini ishlab chiqish, yaratish va joriy qilish;

milliy axborot-hisoblash tarmog‘ining kichik tizimini barpo etish maqsadida davlat soliq xizmati organlarining yagona integratsiyalashtirilgan axborot-resurs bazasini davlat muassasalari va banklarning avtomatlashtirilgan axborot tizimlari bilan birlashtirish;

tizimli texnikaviy majmualarni, shu jumladan, elektron shaklda davlat soliq xizmati organlari tomonidan moliyaviy, soliq va boshqa hisobotlarni qabul qilish va dastlabki ishlov berish bo‘yicha dasturiy ta’minotlar yaratish va amalga joriy qilish;

boshqa sub’ektlar tomonidan ishlab chiqilgan texnik topshiriqlar va dasturiy ta’minotlarni Davlat soliq qo‘mitasida mavjud tizimlarga mosligini o‘rganish va tahlil qilish;

elektron raqamli imzoning yopiq va ochiq kalitlarini yaratish, ularga sertifikatlar berish, shuningdek soliq to‘lovchilarning elektron raqamli imzolarini tasdiqlovchi Korxonaning idoraviy infratuzilmasini va uning boshqa korxonalar bilan o‘zaro uzviyligini shakllantirish;

me’yoriy-huquqiy bazani ishlab chiqish va shakllantirishda, dasturiy-texnik infratuzilmalarni yaratish hamda takomillashtirish, davlat soliq xizmati organlarida ma’lumotlarga ishlov berish jarayonini avtomatlashtirish bo‘yicha tashkiliy masalalar hal etilishida ishtirok etish;

yangi texnologiyalarni o‘rgatish va joriy qilish bo‘yicha sertifikatlar beriladigan o‘quv kurslarini tashkil etish;

davlat soliq xizmati organlari va xo‘jalik yurituvchi sub’ektlar o‘rtasida elektron shakldagi o‘zaro ma’lumotlarni almashish tizimidan foydalanishi tizimini yaratish va joriy qilish, davlat soliq xizmati organlari xodimlarini va soliq to‘lovchilarni o‘qitish;

zamonaviy ta’lim jarayoni talablariga javob beradigan kadrlarni tayyorlash va qayta tayyorlash, malaka oshirish tizimini yaratish hamda o‘quv kurslarini tashkil etish;

yangi texnologiyalar va ma’lumotlarga ishlov berish usullaridan foydalanish, tajriba almashish bo‘yicha mavzuli seminarlarni, shu jumladan, respublika mintaqalarida tashkil etish va o‘tkazish;

davlat va xo‘jalik boshqaruvi organlariga, barcha yuridik shaxslarga, shu jumladan, xorijiy tashkilotlarga shartnoma asosida dasturiy ta’minotlar ishlab chiqish;

belgilangan tartibda axborot texnologiyalari sohasidagi yirik davlat loyihalarining shartnoma asosdagi tizimli integratsiyasini ishlab chiqishda ishtirok etish;

zamonaviy hisoblash texnikasi va matematik-iqtisodiyot usullaridan foydalanib, soliq va iqtisodiyot ma’lumotlariga ishlov berishda fan va texnika yutuqlaridan foydalanib, mahalliy va xorijiy tajribalarni tahlil qilish, baholash, taqqoslash va umumlashtirish yuzasidan ilmiy-tadqiqot, izlanish va konstruktorlik-loyiha ishlarini amalga oshirish;

maxfiy hisoblangan hujjatlar va ma’lumotlarning saqlanishini hamda ruxsat berilmagan shaxslarga foydalanishdan himoya qilishni ta’minlanishga oid dasturiy mahsullar yaratish;

xodimlarni ijtimoiy himoya qilish tizimini ishlab chiqish va uni takomillashtirib borish;

qonunchilikda taqiqlanmagan boshqa barcha faoliyat turlari bilan shug‘ullanish.

Korxona litsenziyalanadigan faoliyat turlari bilan belgilangan tartibda ruxsat olingandan so‘ng shug‘ullanadi.

SIAIJ quyidagi asosiy vazifalarni bajaradi:

1) soliq to‘lovchilar - yuridik shaxslar ro‘yxatga olinadi;

2) korxonalarning yagona reestrini yuritadi;

3) soliq to‘lovchilarning shaxsiy kartochkalarini yuritadi;

4) bank hujjatlarini qayta ishlanadi;

5) turli statistik hisobotlar olinadi;

6) tekshiruv dalolatnomalari yuritiladi;

7) soliq to‘lovchilarning byudjet bilan hisob-kitoblarini amalga oshiriladi;

8) soliq to‘lovchilar bilan solishtirma dalolatnomalarini bajarish;

9) ro‘yxatga olish bo‘yicha turli hisobotlarni shakllantirish;

10) inkasso topshiriqnomalari va xulosalari bilan ishlash.