SOLIQ MOBIL ILOVASIDA SHAXSIY

MA`LUMOTLARNING MAXFIYLIK SIYOSATI

Shaxsiy maʼlumotlarning maxfiyligini taʼminlashga oid ushbu Siyosat (keyingi o‘rinlarda – Siyosat) O‘zbekiston Respublikasi Davlat soliq qo‘mitasi SOLIQ mobil ilovasi (keyingi o‘rinlarda – SOLIQ) yordamida Foydalanuvchidan u mobil yoki veb-ilovalar orqali foydalangan vaqtida olishi mumkin bo‘lgan maʼlumotlarga nisbatan taʼsir qiladi (qo‘llaniladi).

Siyosat faqat SOLIQqa nisbatan amal qiladi, Foydalanuvchi SOLIQning havolalari orqali o‘tishi mumkin bo‘lgan uchinchi shaxslarning sayt(servis)larini, shu jumladan, uchinchi shaxslar Foydalanuvchi haqida qayta ishlaydigan maʼlumotlarni nazorat qilmaydi va javobgar bo‘lmaydi.   

SOLIQ mobil ilovasidan foydalanilishi Foydalanuvchining ushbu Siyosat va unda ko‘rsatilgan maʼlumotlarni qayta ishlash shartlariga so‘zsiz roziligini anglatadi. Bu shartlarga rozi bo‘lmagan holatda Foydalanuvchi SOLIQdan foydalanishni to‘xtatishi (tiyilishi) kerak.

1.       Foydalanuchilarning SOLIQ oladigan va qayta ishlaydigan maʼlumotlari

1.1. Ushbu Siyosat doirasida shaxsiy maʼlumot deganda: shunday maʼlumot asosida jismoniy shaxs (shaxsiy maʼlumot subʼekti)ga muayyan yoki belgilangan tartibda tegishli har qanday maʼlumot tushuniladi.

1.1.1. Foydalanuvchi  SOLIQning istalgan servisida ro‘yxatdan o‘tishda o‘zi haqida mustaqil taqdim etadigan, shu jumladan, SOLIQ bilan Foydalanuvchining har qanday kelishuvini amalga oshirishda beriladigan maʼlumotlar – shaxsiy maʼlumotdir. Inobatga olish kerakki, Foydalanuvchi tomonidan zarur maʼlumotlar kiritilgan taqdirdagina SOLIQning muayyan servislaridan foydalanish mumkin.

1.1.2. SOLIQning servislaridan foydalanish uchun kiritilgan maʼlumotlar Foydalanuvchining qurilmasida o‘rnatilgan dasturiy mahsulotlar ko‘magida, shu jumladan, IP-manzil, cookie axboroti (Foydalanuvchining brauzerida saqlanayotgan matnli fayllar), Foydalanuvchining brauzeri haqida maʼlumot, kirish vaqti, so‘ralayotgan sahifa manzili avtomatik ravishda SOLIQqa yetkaziladi.

1.2. SOLIQdan foydalanishda Foydalanuvchi haqida quyidagi maʼlumotlar yig‘iladi, shu jumladan:

• familiyasi, ismi, otasining ismi;
• tug‘ilgan joyi;
• manzili;
• shaxsni tasdiqlovchi hujjat rekvizitlari;
• telefon raqami;
• e-mail;
• bank kartasi raqami;
• harakatni bajargan sanasi va vaqti;
• IP (statistik IP-manzilida ishlash imkoniyatisiz);
• UserID (foydalanuvchi identifikatori);
• Foydalanuvchi geopozitsiyasi;
• qurilmalarning modeli va ishlab chiqaruvchisi, turli xatoliklar va boshqalar haqidagi hisobotlar;
• shaklni to‘ldirish, sayt va (yoki) mobil ilovaga murojaat qilish, shu jumladan, ularni to‘ldirishdagi xatoliklarga oid faktlar haqidagi maʼlumotlar.

1.4. Foydalanuvchi uchinchi tomon resurslari (masalan, chat, shakl, ijtimoiy tarmoqlar)dan foydalgan vaqtda SOLIQ umumisteʼmoldagi maʼlumotlarni olishi mumkin.

1.5. SOLIQ, shuningdek, muayyan maʼlumotlar (masalan, IP-manzil, foydalanilayotgan qurilma identifikatori)dan SOLIQ ilovalarini ishlatishda amaldagi qonunchilik va ushbu Siyosat talablariga zid holatlarni aniqlash va (yoki) bartaraf etish uchun foydalanishi mumkin.

1.6. SOLIQ Foydalanuvchining bank kartalari orqali amalga oshiriladigan on-layn to‘lovlarining xavfsizligini yetarli darajada taʼminlash maqsadida muayyan maʼlumotlarni olishi mumkin.

2. Mijozlarning shaxsiy maʼlumotlarini yig‘ish va qayta ishlash maqsadlari

2.1. SOLIQ shunday shaxsiy maʼlumotlarni yig‘adi va saqlaydiki, ular SOLIQ servislariga taqdim etish yoki Foydalanuvchi bilan kelishuvlarni bajarishda zarur bo‘lib, bundan muayyan shaxsiy maʼlumotni qonunchilikda belgilangan majburiy olish va saqlash holatlari mustasno. Shaxsiy maʼlumotni saqlash uni qayta ishlash maqsadlari talab qiladiganidan ko‘p bo‘lmagan muddatda amalga oshiriladi, agar shaxsiy maʼlumotni saqlash bo‘yicha O‘zbekiston Respublikasi qonunchiligida, SOLIQ servislaridan Foydalanuvchi tomonidan foydalanish Siyosatida boshqa muddat belgilanmagan bo‘lsa.

2.2. Foydalanuvchining shaxsiy maʼlumotidan SOLIQ quyidagi maqsadlarda foydalanishi mumkin:

2.2.1. SOLIQ bilan kelishuvlarni bajarish, shu jumladan, identifikatsiya o‘tkazish (Foydalanuvchining soddalashtirilgan identifikatsiyasi), SOLIQning barcha umumisteʼmoldagi servislaridan foydalanish imkoniyatlarini Foydalanuvchiga taqdim etish maqsadlarida;

2.2.2. Kommunikatsiyalar. Foydalanuvchi bilan aloqani amalga oshirish, shu jumladan, SOLIQ servislaridan foydalanish (SOLIQ xizmatini ko‘rsatish, shuningdek, Foydalanuvchining so‘rov va arizalarini qayta ishlash)ga taalluqli xabarnomalar, so‘rovnomalar va maʼlumotnomalar jo‘natish;

2.2.3. SOLIQ servislari sifatini yaxshilash, undan foydalanishni qulaylashtirish, SOLIQning yangi servislarini yaratish, Foydalanuvchiga SOLIQning xos (shaxsiy) servislarini taklif etish;

2.2.4. Noaniq (anonim) maʼlumotlar asosida statistik va boshqa tadqiqotlar o‘tkazish;

2.2.5. Foydalanuvchi uchun marketing aksiyalari o‘tkazish, shu jumladan, O‘zbekiston Respublikasi Davlat soliq qo‘mitasi tashabbusi bilan o‘tkaziladigan aksiyalarda qatnashish uchun takliflarni tarqatish maqsadlarida;

2.2.6. SOLIQ servislaridan foydalanishda amaldagi qonunchilik yoki kelishuv talablariga zid harakatlarni bartaraf etish.

3. Foydalanuvchining shaxsiy maʼlumotlarini qayta ishlash va uni uchinchi shaxslarga berish shartlari

3.1. SOLIQ Mijozlarning shaxsiy maʼlumotlarini ushbu Siyosatga muvofiq SOLIQning ichki reglamentlari va aniq xizmat ko‘rsatish shartlarida qayta ishlaydi.

3.2. Foydalanuvchining shaxsiy maʼlumotiga nisbatan maxfiylik taʼminlanadi.

3.3. SOLIQ quyidagi holatlarda Foydalanuvchining shaxsiy maʼlumotini uchinchi shaxslarga berish huquqiga ega:

• Foydalanuvchi shunday harakatga rozilik bildirganda;
• SOLIQning muayyan servisidan foydalanish, shu jumladan, Foydalanuvchining farmoyishini bajarish zarurati yuzaga kelganda.

3.4. Xususan, shaxsiy maʼlumot uchinchi shaxslarga quyidagi toifalarda berilishi mumkin:

Maʼlumotni berishda, masalan, foydalanuvchining uskunasiga (qurilmasiga) oid qismi majburiy ahamiyat kasb etishi mumkin:  IP-manzil, OS, jug‘rofiy maʼlumotlar, ID (uskuna turi, foydalanilgan kanal, brauzer), ilova, to‘lov avtorizatsiyasi, identifikatsiya (ixtiyoriy tarzda tekshirish), masalan, maʼlumotlarning manzillar mosligi haqidagi indikatorlari, yetkazib beruvchi tizimidagi akkaunt, elektron pochta manzili, uyali telefon raqami, to‘lovning miqdori, yetkazib beruvchi tomonidan o‘rnatilgan to‘lov tizimidagi xavf darajasiga oid qismi beriladi.

SOLIQ Foydalanuvchining to‘lov operatsiyalari haqidagi ayrim maʼlumotlariga kirish imkonini berishi mumkin. Bunday maʼlumotlar SOLIQ hamkorlarini aniqlashda asos hisoblanib, Foydalanuvchining plastik kartasiga keshbeklarni yoki soliq to‘lovlarini o‘tkazish imkonini beradi.

Bank kartalaridan foydalangan holda on-layn to‘lovlarni amalga oshirishda yetarli darajada xavfsizlikni taʼminlash maqsadida SOLIQ to‘lov tizimlari (bank-ekvayer-emitent) xavfsizligi bayonnomalarida o‘rnatilgan ro‘yxat asosida maʼlumotlarni berishi mumkin.

4. SOLIQ xavfsizligini taʼminlash bilan bog‘liq nizoli holatlarni bartaraf etish tartibi

4.1. Ushbu Siyosatda ko‘zda tutilgan shaxsiy maʼlumotlarni uchinchi shaxsga berish bilan bog‘liq bahslar va kelishmovchiliklar muzokaralar yo‘li bilan hal etiladi.

Nizoli holatlar muzokaralar yo‘li bilan hal etilmagan taqdirda O‘zbekiston Respublikasi Davlat soliq qo‘mitasida bahsli masala bo‘yicha texnik ekspertiza o‘tkaziladi.

Nizoli holatlar bo‘yicha tahlil istalgan hamkor yoki Foydalanuvchining tashabbusi bilan bajariladi va quyidagilarni qamrab oladi:

• eʼtirozlarni bildirish;
• ekspert komissiyasini tuzish;
• nizoli holatni tahli qilish;
• nizoli holat bo‘yicha xulosa va qarorlarni ishlab chiqish.

4.2. Texnik ekspertiza o‘tkazish uchun komissiya tuziladi. Komissiya tarkibiga Davlat aloqa inspeksiyasi va manfaatdor tomonlarning har biridan teng miqdorda, lekin kamida ikki kishidan iborat aʼzolar kiritiladi. Kelishuvga ko‘ra, komissiya tarkibiga manfaatdor tomonlarning xavfsizlik xizmati vakillari, mustaqil texnik ekspertlar va   SOLIQ ilovalarini ishlab chiqaruvchilar kiritilishi mumkin.

4.3. O‘tkazilgan ekspertiza yakuni bo‘yicha yozma xulosa tayyorlanadi.

Ekspert komissiyasining qarori daʼvo arizasi yoki ko‘rib chiqilayotgan ishga ilova sifatida sud instatsiyalariga yuborilishi mumkin.

O‘zaro bahslashgan tomonlar ekspert komissiyasi xulosasidan rozi bo‘lgan taqdirda kelishmovchilik bartaraf etilgani xususida bitim tuzadi.