Жисмоний шахсларни давлат солиқ хизмати органларида солиқ тўловчи сифатида ҳисобга қўйиш 

Ўзбекистон Республикаси Президентининг 2021 йил 23 мартдаги “Аҳоли ва тадбиркорлик субъектларига давлат хизматларидан фойдаланишда янада қулай шароитлар яратиш, бу борада бюрократик тўсиқларни қисқартириш бўйича қўшимча чора-тадбирлар тўғрисида”ги ПФ-6191-сонли Фармони 5-бандига асосан 2021 йил 1 июндан бошлаб солиқ органларида солиқ тўловчиларнинг ҳисобини юритиш жисмоний шахснинг шахсий идентификация рақами (ЖШШИР)дан фойдаланган ҳолда амалга оширилмоқда.

Хусусан, 2021 йил 1 июлдан бошлаб СТИР бериш бўйича давлат хизматларини кўрсатиш бекор қилинди.

Солиқ тўловчиларни ҳисобга қўйишда давлат хизматларини кўрсатишнинг маъмурий регламентлар

Ўзбекистон Республикаси Солиқ кодексининг 131-моддаси ҳамда Вазирлар Маҳкамасининг 2022 йил 2 апрелдаги «Солиқ тўловчиларни ҳисобга қўйиш соҳасидаги айрим давлат хизматларини кўрсатиш бўйича маъмурий регламентларни тасдиқлаш тўғрисида»ги 150-сон қарорининг 4-иловасида «Солиқ тўловчиларни солиқ органларида солиқ солиш объекти бўйича ҳисобга қўйиш юзасидан давлат хизматини кўрсатиш» маъмурий регламент тасдиқланган.

Бунга кўра;

1. Давлат хизмати қўшилган қиймат солиғи тўловчилари бўйича Қорақалпоғистон Республикаси, вилоятлар ва Тошкент шаҳар давлат солиқ бошқармалари, бошқа солиқ тўловчилар бўйича солиқ солиш объекти жойлашган эрдаги туман (шаҳар) давлат солиқ инспекцияси томонидан кўрсатилади.

2. Солиқ тўловчини объектлар бўйича ҳисобга қўйиш Солиқ кодексида белгиланган тартибда ҳисобга қўйилганидан кейин, агар Солиқ кодексига мувофиқ солиқ тўловчи сифатида ҳисобга қўйилмаган жойда ер солиғи, мол-мулк солиғи, сув ресурсларидан фойдаланганлик учун солиқ ва (ёки) норуда қазилма бойликлари бўйича ер қаъридан фойдаланганлик учун солиқ, бензин, дизель ёқилғиси ва газни охирги истеъмолчига реализация қилишда акциз солиғини тўлаш мажбурияти юзага келган, шунингдек ҳудудий алоҳида бўлинма жойлашган эри бўйича доимий ходимлар сони йигирма беш кишидан кўп бўлган иш жойи яратилган бўлса амалга оширилади.

3. Давлат хизматини кўрсатиш бепул амалга оширилади.

4. Солиқ солинадиган объектлар бўйича мол-мулк солиғи ва ер солиғи тўловчиси бўлган жисмоний шахсларни ҳисобга қўйиш солиқ органлари томонидан мустақил равишда амалга оширилади.

5. Хусусий амалиёт билан шуғулланувчи нотариусларни улар ўз фаолиятини амалга оширадиган жойи бўйича ҳисобга қўйиш Ўзбекистон Республикаси Адлия вазирлиги томонидан Давлат солиқ қўмитасига тақдим этилган ҳисоб рўйхатига олинган хусусий амалиёт билан шуғулланувчи нотариусларнинг электрон реестридаги маълумотлар асосида солиқ органлари томонидан мустақил равишда амалга оширилади.

Солиқ кодекси 313-модда

ВМҚ-150-сон02.04.2022

Юридик ва жисмоний шахсларнинг рўйхатдан ўтказиш тартиби

Ўзбекистон Республикаси Вазирлар Маҳкамасининг 2017 йил
9 февралдаги 66-сон қарори билан тасдиқланган «Тадбиркорлик субъектларини давлат рўйхатидан ўтказиш тартиби тўғрисида»ги низомга асосан тадбиркорлик субъектларини давлат рўйхатидан ўтказиш ва қайта рўйхатдан ўтказиш ҳамда Ўзбекистон Республикаси Президентининг 2021 йил 23 мартдаги
ПФ-6191-сон Фармонига асосан давлат органлари ва ташкилотлари, юридик шахслар бирлашмалари, боғдорчилик-узумчилик ширкатлари, матлубот, ишлаб чиқариш ва қишлоқ хўжалиги кооперативлари ҳамда адвокатлик тузилмаларини давлат рўйхатидан ўтказиш Давлат хизматлари марказлари томонидан амалга оширилади (нодавлат нотижорат ташкилотлар, банклар ва кредит бюролари бундан мустасно).

Тадбиркорлик субъектларини давлат рўйхатидан ўтказиш

СХEМАСИ

          Шунингдек, Адлия вазирлигида давлат рўйхатидан ўтган юридик шахслар тўгрисидаги маълумотлар Давлат солиқ қўмитаси маълумотлар базасида тизим орқали автомат шаклланади ва ҳисобга қўйилади (солиқ органида ҳисобга туриш учун алоҳида ариза бериш шарт эмас).

ВМҚ-66-сон 09.02.2017 

ПФ-6191-сон 23.03.2021