Jismoniy shaxslarni davlat soliq xizmati organlarida soliq to‘lovchi sifatida hisobga qo‘yish

O‘zbekiston Respublikasi Prezidentining 2021-yil 23-martdagi “Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik to‘siqlarni qisqartirish bo‘yicha qo‘shimcha chora-tadbirlar to‘g‘risida”gi PF-6191-sonli Farmoni 5-bandiga asosan 2021-yil 1-iyundan boshlab soliq organlarida soliq to‘lovchilarning hisobini yuritish jismoniy shaxsning shaxsiy identifikatsiya raqami (JSHSHIR)dan foydalangan holda amalga oshirilmoqda. 

Xususan, 2021-yil 1-iyuldan boshlab STIR berish bo‘yicha davlat xizmatlarini ko’rsatish bekor qilindi. 

Soliq to‘lovchilarni hisobga qo‘yishda davlat xizmatlarini ko‘rsatishning ma’muriy reglamentlar

O‘zbekiston Respublikasi Soliq kodeksining 131-moddasi hamda Vazirlar Mahkamasining 2022-yil 2-apreldagi “Soliq to‘lovchilarni hisobga qo‘yish sohasidagi ayrim davlat xizmatlarini ko‘rsatish bo‘yicha ma’muriy reglamentlarni tasdiqlash to‘g‘risida”gi 150-son qarorining 4-ilovasida “Soliq to‘lovchilarni soliq organlarida soliq solish obyekti bo‘yicha hisobga qo‘yish yuzasidan davlat xizmatini ko‘rsatish” ma’muriy reglament tasdiqlangan.

Bunga ko‘ra;

1. Davlat xizmati qo‘shilgan qiymat solig‘i to‘lovchilari bo‘yicha Qoraqalpog‘iston Respublikasi, viloyatlar va Toshkent shahar davlat soliq boshqarmalari, boshqa soliq to‘lovchilar bo‘yicha soliq solish obyekti joylashgan erdagi tuman (shahar) davlat soliq inspeksiyasi tomonidan ko‘rsatiladi.

2. Soliq to‘lovchini obyektlar bo‘yicha hisobga qo‘yish Soliq kodeksida belgilangan tartibda hisobga qo‘yilganidan keyin, agar Soliq kodeksiga muvofiq soliq to‘lovchi sifatida hisobga qo‘yilmagan joyda yer solig‘i, mol-mulk solig‘i, suv resurslaridan foydalanganlik uchun soliq va (yoki) noruda qazilma boyliklari bo‘yicha yer qa’ridan foydalanganlik uchun soliq, benzin, dizel yoqilg‘isi va gazni oxirgi iste’molchiga realizatsiya qilishda aksiz solig‘ini to‘lash majburiyati yuzaga kelgan, shuningdek hududiy alohida bo‘linma joylashgan eri bo‘yicha doimiy xodimlar soni yigirma besh kishidan ko‘p bo‘lgan ish joyi yaratilgan bo‘lsa amalga oshiriladi.

3. Davlat xizmatini ko‘rsatish bepul amalga oshiriladi.

4. Soliq solinadigan obyektlar bo‘yicha mol-mulk solig‘i va yer solig‘i to‘lovchisi bo‘lgan jismoniy shaxslarni hisobga qo‘yish soliq organlari tomonidan mustaqil ravishda amalga oshiriladi.

5. Xususiy amaliyot bilan shug‘ullanuvchi notariuslarni ular o‘z faoliyatini amalga oshiradigan joyi bo‘yicha hisobga qo‘yish O‘zbekiston Respublikasi Adliya vazirligi tomonidan Davlat soliq qo‘mitasiga taqdim etilgan hisob ro‘yxatiga olingan xususiy amaliyot bilan shug‘ullanuvchi notariuslarning elektron reyestridagi ma’lumotlar asosida soliq organlari tomonidan mustaqil ravishda amalga oshiriladi.

 
            Soliq kodeksi 131-modda

VMQ-150-son  02.04.2022

Yuridik va jismoniy shaxslarning ro‘yxatdan o‘tkazish tartibi

O‘zbekiston Respublikasi Vazirlar Mahkamasining 2017-yil 9-fevraldagi 66-son qarori bilan tasdiqlangan “Tadbirkorlik subyektlarini davlat ro‘yxatidan o‘tkazish tartibi to‘g‘risida”gi nizomga asosan tadbirkorlik subyektlarini davlat ro‘yxatidan o‘tkazish va qayta ro‘yxatdan o‘tkazish hamda O‘zbekiston Respublikasi Prezidentining 2021-yil 23-martdagi PF-6191-son Farmoniga asosan davlat organlari va tashkilotlari, yuridik shaxslar birlashmalari, bog‘dorchilik-uzumchilik shirkatlari, matlubot, ishlab chiqarish va qishloq xo‘jaligi kooperativlari hamda advokatlik tuzilmalarini davlat ro‘yxatidan o‘tkazish Davlat xizmatlari markazlari tomonidan amalga oshiriladi (nodavlat notijorat tashkilotlar, banklar va kredit byurolari bundan mustasno).

Tadbirkorlik subyektlarini davlat ro‘yxatidan o‘tkazish

SXEMASI

          Shuningdek, Adliya vazirligida davlat ro‘yxatidan o‘tgan yuridik shaxslar to‘grisidagi ma’lumotlar Davlat soliq qo‘mitasi ma’lumotlar bazasida tizim orqali avtomat shakllanadi va hisobga qo‘yiladi (soliq organida hisobga turish uchun alohida ariza berish shart emas).

VMQ-66-son 09.02.2017

PF-6191-son 23.03.2021