Фарғона солиқ техникуми

Ўзбекистон Республикаси Вазирлар Маҳкамаси ҳузуридаги Солиқ қўмитасининг Фарғона солиқ коллежи Ўзбекистон Республикаси Вазирлар Маҳкамасининг 1998 йил 14 июлдаги 298-сонли "Ўзбекистон Республикаси Давлат солиқ қўмитасининг Солиқ коллежини ташкил этиш тўғрисида" ги қарорига биноан ташкил этилган.

Ўзбекистон Республикаси Вазирлар Маҳкамаси ҳузуридаги Солиқ қўмитасининг Бухоро ва Фарғона солиқ коллежлари Ўзбекистон Республикаси Вазирлар Маҳкамасининг 2000 йил 4 майдаги 178-сонли "Бухоро ва Фарғона шаҳарларида Ўзбекистон Республикаси Давлат солиқ қўмитасининг солиқ коллежларини ташкил этиш тўғрисида" ги қарорига биноан ташкил этилди.

Солиқ коллежлари солиқ мутахассисларини ихтисослаштирилган тайёрлаш тизимини такомиллаштириш ва Ўзбекистон Республикаси давлат солиқ хизматини малакали кадрлар билан таъминлаш мақсадида ташкил этилди.

Солиқ коллежлари - бу ўрта махсус, касб-ҳунар таълими муассасалари. Коллежда ўқиш давлат таълими грантлари асосида кундузги шаклда олиб борилади. Коллежларда ўқиш муддати - 3 йил ва солиқ органларида 1 йиллик амалий иш синовлари. 11 йиллик ўрта маълумотга эга бўлган абитуриентлар учун (тўққиз йиллик ўрта таълимнинг давлат таълим стандартлари жорий этилгунга қадар) ўқиш муддати мос равишда 2 ва 1 йилни ташкил қилади.