O'zbekiston Respublikasi Soliq qo'mitasi

Ўтказилган солиқ аудити натижалари

15/11/2024

2024 йил январ-октябр ойларида солиқ аудити жами солиқ тўловчиларнинг фақат 0,27 %ида ўтказилган.

Солиқ хизмати органлари томонидан солиқларни тўламаслик хавфи юқори бўлган 1 518 та тадбиркорлик субъектида солиқ аудити ўтказилди. Бу ушбу даврда фаолият кўрсатган жами солиқ тўловчиларнинг (566,8 минг) 0,27 фоизини ташкил этади.

Аниқланган солиқ хавфи суммаси – 3 834,8 млрд сўм;
Солиқ аудитида аниқланланган сумма – 4 841,4 млрд сўм.

Солиқ аудитида аниқланган сумма соҳалар кесимида:

савдо ва умумий овқатланиш соҳасида – 3 424,7 млрд сўм (70,7%);
қурилиш соҳасида – 460,9 млрд сўм (9,5%);
хизмат кўрсатиш соҳасида – 404,9 млрд сўм (8,4%);
ишлаб чиқариш соҳасида – 330 млрд сўм (6,8%);
қишлоқ хўжалиги соҳасида – 125 млрд сўм (2,6%);
транспорт соҳасида – 54,3 млрд сўм (1,1%);
бошқа соҳаларда – 41,6 млрд сўм (0,9%).

Ўтказилган солиқ аудитларида 553 та солиқ тўловчида 8 360,3 млрд сўмлик солиқ базаси яширилган:

266 та субъектда 2 512,5 млрд сўмлик реализация қилинган товарлар суммаси кўрсатилмаган;
172 та субъектда 2 714,2 млрд сўмлик товарлар инвентаризация пайтида омбор ёки реализация жойида мавжуд бўлмаган;
115 та субъектда 3 133,6 млрд сўмлик кирим қилинмаган товарлар сақланган ва (ёки) реализация қилинган.

Бугунги кунга, аниқланган солиқ суммаларидан тўлов муддати келган 3 150,3 млрд сўмнинг 1 125,6 млрд сўми (35,7 %) тўлаб берилди.