O'zbekiston Respublikasi Soliq qo'mitasi

Mahalliy davlat hokimiyati organlariga moliyaviy imkoniyat va vakolatlar beriladi

25/12/2024

Tuman (shahar) mahalliy budjetlarining xarajatlarini bosqichma-bosqich toʻliq oʻz daromadlari va ichki manbalari hisobidan qoplashga erishish maqsadida mahalliy davlat hokimiyati organlariga moliyaviy imkoniyat va vakolatlar beriladi.

👉PF-223-son 20.12.2024 y

2025-yil 1-yanvardan quyidagi tushumlar tuman (shahar)lar budjetlariga oʻtkaziladi:

AOS, yuridik shaxslarning mol-mulkiga solinadigan soliq, yuridik shaxslardan olinadigan yer soligʻi, davlat aktivlarini ijaraga berishdan tushumlar toʻliq;
Jismoniy shaxslardan olinadigan daromad soligʻi tushumlarining kamida 50%.

Mahalliy davlat hokimiyati organlariga tegishli boʻlgan aksiyalar (ulushlar)ni sotishdan tushgan mablagʻlarning 90% obyekt joylashgan tuman (shahar) budjetiga teng ulushlarda taqsimlanadi.

Avval hudud byudjetiga mablagʻ qoldirilmagan edi.

Farmonga koʻra, yangi yildan quyidagilarga ruxsat berildi:

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar kengashlari YaTTlar uchun jismoniy shaxslardan olinadigan daromad soligʻining eng kam va eng yuqori qatʻiy belgilangan stavkalari miqdorini belgilashadi.

Avval soliq stavkasi Soliq kodeksining 383-moddasiga asosan qatʼiy miqdorda belgilanar edi.

Soliq solish maqsadida qoʻllanadigan koʻchmas mulk ijara qiymatining 1 metr kvadrat uchun oʻrnatilgan minimal miqdorlariga nisbatan tuman (shahar)lar kesimida 2 barobargacha oshiruvchi koeffitsiyent, xususan, Toshkent shahrida ushbu oshiruvchi koeffitsiyentni yer soligʻi kabi zonalar kesimida qoʻllash.

Xalq deputatlari tuman (shahar)lar kengashlariga:

▫️Suv resurslaridan foydalanganlik uchun soliq stavkalariga 0,7 barobardan 1,5 barobargacha kamaytiruvchi yoki oshiruvchi koeffitsiyent qoʻllash;

▫️Noruda qurilish materiallari boʻyicha yer qaʻridan foydalanganlik uchun soliqning qatʼiy belgilangan stavkalariga 1,3 barobargacha oshiruvchi koeffitsiyent belgilash vakolatlari beriladi.
Oldin suv resurslaridan foydalanganlik uchun soliq stavkalariga 0,7 barobardan 1,5 barobargacha kamaytiruvchi yoki oshiruvchi, hamda noruda qurilish materiallari boʻyicha yer qaʻridan foydalanganlik uchun soliqning qat’iy belgilangan stavkalariga 1,3 barobargacha oshiruvchi koeffitsiyent mavjud emas edi.